分卷阅读12 (第1/3页)

    后我觉得同阿Ben好好倾，做左好朋友。（我觉得唔只系好朋友咁简单，不过我冇追问落去）两个月前阿Ben同我讲佢需要二十万周转，问我帮吾帮到佢，我当然无可能即刻攞得出廿万，呀Ben想去财务公司借，问我可唔可以做佢担保人，我见佢都算系一个正人君子，所以就一口答应！点知上个月起阿Ben突然间潜左水，完全失去联络，前几日财务公司就开始追我，要我帮佢还钱，佢地正一吸血鬼，借佢廿万，而家已经累积欠左佢地四十几万，我根本冇可能一下子还清！

见到佢嘅情况我真系好想帮下佢，我同佢讲我会帮佢諗下办法，佢心情先至平复返。我打算同阿头商量一下。

呀Ken原本约左我响Weekend一齐去见黄sir，不过呀Ken话黄sir突然间有事，所以取消左，我真系有d失望，原本以為调查有突破性嘅发展，点知都系，唉！

星期六收工后呀Ken话想去做gym，问我有冇兴趣一齐，平时我一定会去，不过今日我推左佢！因為上次来电追债嘅电话号码我已经查过，登记地址系尖沙咀一间商业大厦嘅财务公司？大多数公司星期六下昼都会冇乜人，所以今日我打算入去查下佢，睇吓有冇料到！

现场系一间财务公司，公司裡面熄晒灯，应该系收左工，我用我专业嘅开锁手法，一分鐘内已经将大门口开左，入到里面基本上文件不多，连客户名单都冇一个，好明显系一间空壳办公室，正当我想离开之际，突然听到有人开门声音，我急忙躲到茶水间内，监察著外面情况。

我见到有五个著住西装嘅男人入左公司，其中一个身形非常突岀，胸肌将成套西装撑起，线条非常吸引，我相信西装下嘅身形一定更加犀利，另外四个西装友身形都唔错，基本上佢地都系有运动员嘅身形，类似健美先生果d，加上戴上黑超，个个孔武有力，吾讲嘅话可能有人会以為系G4添！其中有两个西装友除左黑超！未至，呢两条友好熟口面，好似边度见过，.......我记得啦，佢地都系当差嘅，以前响某个差馆度见过，而家仲有无当差就唔知！

第31页

佢地入到办公室之后就响度吹水，搞到我想走都唔得！其中一个西装友攞起电话打