小汪日本生活手记（08）粤 (第1/3页)

    作者：汪汪

    字数：3098

    （八）洋肠（粤）

    今年系自己工作室开业第二年，即使今日系万圣节夜都无出去玩，要为２

    月出既写真ＤＶＤ做准备开会、约拍摄场地、服装等等，搅完一轮已经差唔多

    点，但向工作室出到街万圣节气氛都好浓同事就话不如去附近食下嘢饮下嘢，

    辛苦咗成日再加上都想感受下节日气氛就决定去喇

    我地拣咗间向池代既夜场去食下嘢饮下嘢癫下，玩咗无耐好快就有几个外

    国人过嚟撩我地倾计，虽然系外国人但佢地日文出奇咁流利，倾开最靓仔果个原

    来系英文老师，其他两个个样普通外国人样反而系ＭＯＤＥＬ，ＭＯＤＥＬ由於

    职业相似好快就倾到计，而英文老师都系咁讲咸嘢好风趣，好快我地已经交换Ｍ

    ＡＩＬＢＯ

    向夜场完全唔知时间，当出到来已经差唔多就天光，果位好靓仔英文老师追

    出来话送我地，同事同我当然接受啦，同事住得比较近而我就系最远果个，再睇

    下时间都系决定今晚返工作室，点知我咁讲时个老师话想上来参观下，我当时都

    无谂咁多就话ＯＫ呀

    当佢上到来见到我Ｄ作品之后我就知濑嘢喇，不过佢反应出奇ＯＫ，重话为

    咗呢种文化先来日本做老师，越倾越觉得佢啱倾，后来我连自己向香港过来都讲

    埋，佢就开始又讲好爱香港话好神奇地方，又用Ｄ好似谭仔阿姐口音讲虾饺烧卖，

    搅到我笑左出来

    倾到咁上下我见佢个杯茶无晒水想帮佢再沖，点知佢又起身我同佢撞埋一齐，

    我比佢撞到训咗向地真系痛到呢，外国人个头骨结构硬Ｄ咩？劲痛~

    当我再开眼果时已见佢摸住额头向我上面问我有无事？当我一边起身一边讲

    无事，点知佢又想扶我，又撞一次，我顶~今次真系痛到标眼水，再望个英文老

    师果时佢已经流紧鼻血，比我撞到佢流鼻血，呢一刻见佢摸鼻一手血个动作大家

    都笑左

    我坐向梳化叫佢训向我个肥美大腿度我帮佢止血，用化妆棉抹咗几下已经止

    咗血，呢个时候佢好享受咁讲，呢Ｄ就系梦未以求既膝枕，我一边笑佢白痴一

    边见佢额头好红